Sulmohen dy baza ushtarake amerikane në Siri

Dy baza ushtarake amerikane në Siri u shënjestruan të enjten.

Këtë e ka raportuar televizioni libanez, Al Mayadeen përmes burimeve, përcjell Gazeta Insajderi.

Sipas këtyre raportimeve, tre dronë shënjestruan bazën ushtarake në al-Tanf në Siri, e cila ndodhet në kufirin Irak-Siri.

Nuk ka raportime deri më tani për dëme dhe viktima, vijon raportimi.

Ndërkaq baza tjetër amerikane Conoco në fshatin Deir Ezzor të Sirisë është goditur me dy raketa.

Ende s’ka pasur konfirmim zyrtar nga autoritetet amerikane lidhur me këtë. /Insajderi.org/