Partia Demokratike e Kosovës (PDK) ka bërë të qartë se nuk do të propozojë asnjë kandidat për president të Kosovës pa arritjen e një marrëveshjeje politike paraprake.
Burime brenda kësaj partie theksojnë se një vendim i tillë vjen si rezultat i mungesës së konsensusit ndërmjet partive politike në vend. Sipas tyre, procesi i zgjedhjes së pres identit nuk duhet të jetë i njëanshëm, por të reflektojë një marrëveshje më të gjerë që garanton stabilitet institucional dhe legjitimitet politik.
PDK-ja konsideron se pa një dakordim të qartë mes shumicës dhe opozitës, propozimi i një emri do të ishte i parakohshëm dhe pa garanci për sukses në Kuvend. Kjo qasje pritet të ndikojë në zhvillimet e ardhshme politike dhe të shtyjë përpara negociatat mes partive.
Ndërkohë, mbetet të shihet nëse do të ketë lëvizje konkrete në ditët në vijim për të arritur një kompromis që do të hapte rrugën për zgjedhjen e presidentit të ri.
