Mali i Zi ka dënuar ashpër sulmin e sotëm ndaj Policisë së Kosovës ku mbeti i vrarë polici Afrim Bunjaku dhe tre policë të tjerë janë lënduar.
“Ne dërgojmë ngushëllimet tona për vrasjen e policit, si dhe urimet për shërimin e të plagosurve”, ka shkruar Ministria e Punëve të Jashtme e Malit të Zi.
Shteti fqinj bëri thirrje për ulje të tensioneve, derisa ka thënë se autorët duhet të dalin para drejtësisë.
“Apelojmë për uljen e tensioneve dhe mbështesim punën EULEX-it dhe KFOR-it në terren dhe bëjmë thirrje për një hetim të plotë. Ata që janë përgjegjës për këtë akt duhet të dalin para drejtësisë”.
https://twitter.com/MFA_MNE?ref_src=twsrc%5Etfw%7Ctwcamp%5Etweetembed%7Ctwterm%5E1705994826972282891%7Ctwgr%5E3a33ce4990eeafd4e8e9ac92ecb9e15cbe651ee4%7Ctwcon%5Es1_&ref_url=https%3A%2F%2Fpaparaci.com%2F365705%2Fmali-i-zi-e-denon-ashper-sulmin-ndaj-policise-se-kosoves%2F
