Ministri i Punëve të Jashtme të Kroacisë, Gordan Gërliç-Radman, në prag të nisjes së samitit të ministrave të Jashtëm të vendeve anëtare të Bashkimit Evropian në Luksenburg, ka thënë se sulmi terrorist i paramilitarëve serbë në Kosovë duhet merret seriozisht nga Bashkimi Europian.
“Ajo që ndodhi në Banjskë ishte një akt serioz i destabilizimit rajonal dhe ne duhet të përgjigjemi” – ka deklaruar kryediplomati kroat para gazetarëve në Luksenburg, teksa ka folur edhe për situatën në Bosnje-Hercegovinë.
Krerët e diplomacisë së 27 shteteve anëtare të BE-së do të shqyrtojnë mënyrën se si të zgjidhin krizën gjithnjë e më të mprehtë në veriun e Kosovës të banuar kryesisht me serbë etnikë, në mënyrë që t’i hapet rruga implementimit të Marrëveshjes Bazë të Brukselit, dhe Aneksit të Implementimit të Ohërit, pas zbutjes së tensioneve.
Përfaqësuesi i Lartë i BE-së për Politikë të Jashtme dhe Siguri, Josep Borrell, do të raportojë para kryediplomatëve evropianë për rezultatet e takimeve diplomatike që “pesëshja e madhe” ka pasur më 21 tetor me kryeministrin e Kosovës, Albin Kurti dhe presidentin e Serbisë, Aleksandër Vuçiç, në Prishtinë dhe Beograd, në përpkjekje për ripërtëritjen e procesit të dialogut
