Nga 1 korriku 2026, pensionet në Gjermani do të rriten me 4.24 për qind, duke prekur rreth 21.5 milionë pensionistë në mbarë vendin.
Vendimi është pjesë e rregullores për përcaktimin e vlerës së pensionit për vitin 2026, e cila është hartuar nga qeveria federale dhe është miratuar pas përfundimit të të gjitha procedurave ligjore.
Kjo shënon rritjen e katërt brenda pesë viteve të fundit me më shumë se katër për qind në nivel vjetor. Megjithatë, pavarësisht rritjeve të njëpasnjëshme, ekspertët dhe shumë pensionistë vlerësojnë se niveli i pensioneve në Gjermani vazhdon të mbetet relativisht i ulët.
Sistemi gjerman i pensioneve bazohet në pikët e fituara gjatë viteve të punës. Sa më të larta të jenë të ardhurat dhe kontributet e paguara, aq më shumë pikë grumbullohen, duke ndikuar drejtpërdrejt në shumën e pensionit që përfitohet pas daljes në pension.
