Në një seancë të jashtëzakonshme të parlamentit slloven, deputetët vendosën propozimet për ndryshime në ligjet për të huajt dhe marrëdhëniet e punës, në procedurë emergjente.
Amendamenti i ligjit për të huajt sjell ndryshime në kushtet e njohjes së gjuhës sllovene në procedurat për zgjatjen e lejes së qëndrimit të përkohshëm për shkak të bashkimit familjar për anëtarët e familjeve të shtetasve të vendeve të treta. Sipas propozimit, kushti i njohjes së gjuhës në nivelin fillestar A1 zëvendësohet me njohuri në nivel mbijetese, që mundëson komunikimin bazë në gjuhën sllovene. Të mërkurën, anëtarët e komitetit miratuan një amendament koalicioni që shkurton në një vit afatin për marrjen e të drejtës për bashkim me familjen.
Gjatë diskutimit, u konstatua se nuk ka mjaft ofrues trajnimesh që do të siguronin zbatimin e kurseve të certifikuara në nivelin A1. Qeveria është ende në kërkim të promovimit të të huajve drejt një integrimi më të madh gjuhësor, prandaj ka marrë vendimin për të zëvendësuar kërkesën e njohurive gjuhësore në nivelin A1 me këtë nivel mbijetese.
Sipas deputetëve vlerësohet se për integrimin fillestar të të huajve, sipas parimit të bashkimit familjar, mjafton njohja dhe të kuptuarit e gjuhës në nivel bazë, pas së cilës të huajt do të mund të përmirësojnë njohuritë e tyre të gjuhës.
